Nazir: Çövkən oyunu YUNESKO-nun qorunan mədəni irs siyahısına daxil edilib

Azərbaycan dövlətinin apardığı uğurlu xarici siyasət bütün sahələrdə, xüsusən tariximizə baxışda öz müsbət nəticəsini verməkdədir.

Gün.Az-ın bölgə müxbirinin məlumatına görə, bu barədə Mədəniyyət və Turizm naziri Əbülfəs Qarayev bu gün Şəkiyə səfəri çərçivəsində jurnalistlərlə söbətində bildirib.

Nazirin sözlərinə görə, YUNESKO tarixində ilk dəfə çövkən milli oyunu bu beynəlxalq təşkilatın qorunan qeyri mədəni irs siyahısına daxil edilib. Əbülfəs Qarayev onu da qeyd edib ki, YUNESKO bu qərarı qəbul etməklə bir daha çövkən milli oyununun Azərbaycana aid olduğunu beynəlxalq ictimaiyyətə bəyan edib və eyni zamanda tarixən Qarabağ cins atlarının üzərində oynanıldığını təsdiqləyib. Nazir beynəlxalq təşkilatlar qarşısında gələcəkdə də müvafiq məsələlərin qalrırılaraq həlli istiqamətində davamlı iş aparılacağını diqqətə çatdırıb.

R.Turaloglu