Yeni nazir Müdafiə Nazirliyində kadr dəyişiklikləri etdi - generallar işdən çıxarıldılar

Azərbaycanın yeni müdafiə naziri, general-polkovnik Zakir Həsənov Müdafiə Nazirliyində ilk kadr dəyişikliklərinə başlayıb. Modern.az saytının məlumatına görə, nazirin əmri ilə Silahlı Qüvvələrin Baş İnspeksiyasının rəisi general-mayor Məmməd Beydullayev vəzifəsindən kənarlaşdırılıb. Onun yerinə Azərbaycanın Milli Qəhrəmanı polkovnik Fəxrəddin Cəbrəyılov təyin edilib.

General Zakir Həsənovun digər əmri ilə Altay Mehtiyev Hərbi Hava Qüvvələrinin komandanı, general-mayor Altay Mehdiyev vəzifəsindən azad olunub. Hərbi Hava Qüvvələrinin komandanı vəzifəsinə general-mayor Ramiz Tahirov gətirilib.

Bu məlumatları, hərbi ekspert Üzeyir Cəfərov da təsdiqləyib. Onun sözlərinə görə,vəzifəsindən kənarlaşdırılan Məmməd Beydullayevordunun adınırüşvət və koorupsiyaya bulaşdıran zabitlərdən biri idi.

APA-nın məlumatına görə, Hərbi Hava Qüvvələrinin komandanı, general-mayor Ramiz Tahirov həm də müdafiə nazirinin yeni müavini təyin olunub. R.Tahirov Hava Hücumundan Müdafiə Qoşunlarında xidmət edib. O, bu təyinata qədər Azərbaycan Prezidentinin hərbi məsələlər üzrə köməkçisinin müavini vəzifəsində çalışıb.