Loading

Bakı Şəhər Mədəniyyət və Turizm İdarəsi tərəfindən Dünya Turizm Günü qeyd ediləcəkdir

26.09.2013 20:21
Bakı Şəhər Mədəniyyət və Turizm İdarəsinin (BŞMTİ) və şəbəkəyə daxil olan mədəniyyət müəssisələrinin 27 sentyabr - Dünya Turizm Günü ilə əlaqədar tədbirlər planı hazırlanmışdır.

İdarədən AzərTAc-a bildirmişlər ki, mədəniyyət evləri və mərkəzləri tərəfindən Şirvanşahlar Sarayı Kompleksinə, "Qobustan" Dövlət Tarix-Bədii, "Atəşgah məbədi" Dövlət Tarix-Memarlıq, "Qala" Dövlət Tarix-Etnoqrafiya, "Yanardağ" Dövlət Tarix-Mədəniyyət və Təbiət qoruqlarına ekskursiya təşkil ediləcəkdir.

BŞMTİ-nin tərkibində fəaliyyət göstərən Bakı şəhəri rayonlarının mərkəzləşdirilmiş kitabxana sistemləri isə bu gün münasibətilə mühazirə, sərgi, məruzə, söhbət, "dəyirmi masa" keçirəcəkdir.

İdarənin şəbəkəsinə daxil olan ev və xatirə muzeylərində, Heydər Əliyev mərkəzlərində tədbirlər təşkil ediləcək, həmçinin həmin gün bu müəssisələrə "Açıq qapı" günü elan olunacaqdır.
 
Hörmətli İstifadəçi, nəzərinizə çatdırmaq istəyirik ki, saytdakı bütün xəbərlər proqram təminatı tərəfindən avtomatik şəkildə digər resurslardan sistemə daxil edilir, buna görə, xəbərlərin saytda dərc olunmasında və ya mətnlərinin qiymətləndirilməsində heç bir insan faktoru iştirak etmir, əgər bu xəbəri hüquq/qanun pozuntusu, qeyri-etik və ya yanlış kimi qiymətləndirirsinizsə, xahiş edirik, bizi bu barədə məlumatlandırın