Loading

Bakıda kirayə mənzil bazarında vəziyyət necədir?

17.09.2013 15:48
Deyerler.org: Universitetlərin başlanması ilə Bakıda kirayə mənzil bazarında xüsusi canlanma müşahidə olunmaqdadır. Artıq rayonlardan Bakıya üz tutmuş tələbələrin böyük əksəriyyəti kirayə mənzil tapıblar. Düzdür bəzi tələbələr kirayə qalmaqdansa özünün yaxın qohumlarında qalmağa üstünlük verirlər. Bəs görəsən Bakıda hal-hazırda kirayə mənzil bazarında qiymətlər neçəyədir?

"Deyerler.org"un apardığı araşdırmalar nəticəsində məlub olub ki, şəhərdə universitetlər ətrafında və yaxud metrolara yaxın ərazilərdə ən ucuz ev 200 manatadır (1 otaq - 16-17 kv m.), bu qiymətə də ev tapmaq böyük müşkül məsələdir. Daha çox 1 otaqlı evlər 250 manatdan başlayır. Rayondan Bakıya üz tutmuş tələbələr bu bahalıqda ev tutmağın ən yaxşı yolunu bir neçə yaxın dostlar ilə evi kirayələməkdə görürlər. Hətta bəzi ev sahibləri tələbələr üçün 1 otaqlı mənzildə 3 və ya 4 tələbə qalmaq şərti ilə bir adamı 60, 70 manata da mənzillər təşkil edirlər. Kirayə mənzillər daha çox Yasamal və Səbail rayonları ərazilərində bahadır. Universitetlərin daha çox bu rayon ərazilərində olması bu ərazilərdə kirayə mənzil bazarına öz təsirini göstərir. Təbii ki, Universitetlər və metro ətrafından aralandıqca mənzillərin qiymətlərində də nisbətən ucuzlaşma müşahidə olunur.

Bəzən kirayə mənzil tapan tələbələr bir neçə ay orada yaşadıqdan sonra ev sahiblərinin kaprizləri baş qaldırır və onlar kirayə haqqını artırırlar. Bu kimi hallara son qoymaq üçün kirayə ev tutarkən müqavilə bağlamaq lazımdır.

Kirayə ev taparkən ən çox çətinlik çəkən isə oğlan tələbələr olur. Çünki hər ev sahibi evinə oğlan tələbələri götürməyə razı olmur. Səbəblərsə müxtəlifdir: mentalitet, oğlan uşaqlarının evi səliqəsiz saxlamaları və s.

Kirayə mənzil bazarında axtarışa çıxan kirayənişinlər 150-200 manata ev istəyirlər.Çünki rayonlardan, bölgələrdən üz tutan valideynlərin çox vaxt cibinə uyğun olan qiymətlər bunlar olur.

İndi kirayə evlərin qiymətinin kəllə-çarxa çıxması tələbə və valideynləri çıxılmaz yolda qoyub. Valideyn məcbur olur ki, boğazından kəsib baha da olsa, övladı üçün normal şəraitli bir ev tutsun. Bugünkü tələbələrin o qazancı, imkanı yoxdur ki, ayda 250-400 manat kirayəyə pul ödəsin.

Ümumilikdə isə metronun "Elmlər Akademiyası" stansiyası ətrafında 1 otaqlı mənzil 200-400 manat, "İçərişəhər" stansiyası ətrafında 300-500 manat, "28 may" stansiyası ətrafında 250-400 manat, "Gənclik" stansiyası ətrafında 250-350 manat, "N.Nərimanov" stansiyası ətrafında 250-450 manat, "Nizami" stansiyası ətrafında 250-400 manat, "Neftçilər" stansiyası ətrafında 200-300 manata 1 otaqlı mənzillər kirayələmək olar.

Əgər siz tələbəsiniz və hələ də ev kirayələməmisinizsə o zaman sizə tələsməyi məsləhət görərdik.

 
Hörmətli İstifadəçi, nəzərinizə çatdırmaq istəyirik ki, saytdakı bütün xəbərlər proqram təminatı tərəfindən avtomatik şəkildə digər resurslardan sistemə daxil edilir, buna görə, xəbərlərin saytda dərc olunmasında və ya mətnlərinin qiymətləndirilməsində heç bir insan faktoru iştirak etmir, əgər bu xəbəri hüquq/qanun pozuntusu, qeyri-etik və ya yanlış kimi qiymətləndirirsinizsə, xahiş edirik, bizi bu barədə məlumatlandırın