"Azneft" İstehsalat Birliyinin Ə.Əmirov adına neft-qaz çıxarma idarəsində təcrübəçilərlə görüş keçirilmişdir

Azərbaycan Respublikası Dövlət Neft Şirkətinin (ARDNŞ) insan resursları departamentinin təlim və inkişaf şöbəsinin əməkdaşları "SOCAR yay məktəbi-2013" layihəsi çərçivəsində "Azneft" İstehsalat Birliyinin Ə.Əmirov adına neft-qaz çıxarma idarəsində təcrübə keçən tələbələrlə görüş keçirmişlər.

Departamentdən AzərTAc-a bildirmişlər ki, görüşdə neft-qaz çıxarma idarəsinin rəisi Ramin Quliyev təcrübəçilərə müvafiq təlimatlar vermişdir.

Sonra təcrübəçilər neft-qaz çıxarma idarəsinin istehsalat təcrübəsi ilə tanış olmaq məqsədilə 2 nömrəli neft-qaz çıxarma sexində və quyuların əsaslı və yeraltı təmir sexinin dərinlik nasoslarının təmiri emalatxanasında olmuşlar.