Loading

Əhmədinejat İlham Əliyevi İrana dəvət etdi

06.02.2013 12:05
İran prezidenti Mahmud Əhmədinejat azərbaycanlı həmkarı İlham Əliyevi Tehrana səfərə dəvət edib. Modern.az-ın İnterfaks-a istinadən verdiyi məlumata görə, bu barədə İranın Azərbaycandakı səfiri Möhsin Pak Ayin bildirib. Onun sözlərinə görə,İran Azərbaycan tərəfinin rəsmi səfərin vaxtını açıqlamasını gözləyir. "İran prezidenti M.Əhmədinejat Azərbaycanın dövlət başçısı İlham Əliyevi Tehrana dəvət edib. Azərbaycan tərəfinin rəsmi səfərin vaxtını açıqlamasını gözləyirik. Yaxın vaxtlarda İranın XİN başçısı Əli Əkbər Salerhi İran- Azərbaycan ticari- iqtisadi komissiyasnın iclasında iştirak etmək üçün Azərbaycana gələcək",- deyə səfir əlavə edib. Bununla yanaşı, diplomat qeyd edib ki, yaxın vaxtlarda İranın "Səda o Sima" teleşirkətinin sədr müavinin Azərbaycana işgüzar səfəri nəzərdə tutulub."Səfər Bakıda mediya- komitə yaratmaq məqsədi daşıyır",- deyə diplomat qeyd edib.

Bundan başqa, İranda keçiriləcək "Azərbaycan mədəniyyət həftəsi" tədbirlərində iştirak etmək üçün Azərbaycanın mədəniyyət və turizm naziri Əbülfəz Qarayevin və digər yüksək vəzifəli şəxslərin qonşu ölkəyə səfəri gözlənilir.

A.RÜSTƏMOV
 
Hörmətli İstifadəçi, nəzərinizə çatdırmaq istəyirik ki, saytdakı bütün xəbərlər proqram təminatı tərəfindən avtomatik şəkildə digər resurslardan sistemə daxil edilir, buna görə, xəbərlərin saytda dərc olunmasında və ya mətnlərinin qiymətləndirilməsində heç bir insan faktoru iştirak etmir, əgər bu xəbəri hüquq/qanun pozuntusu, qeyri-etik və ya yanlış kimi qiymətləndirirsinizsə, xahiş edirik, bizi bu barədə məlumatlandırın