Loading

Mədət Quliyev: Penitensiar Xidmət sahəsində olan problem aradan qaldırılır

10.12.2012 14:43
Azərbaycan, Bakı, 10 dekabr /Trend, müxbir K.Zərbalıyeva/

Azərbaycanın Penitensiar Xidməti sahəsində olan problemlərin aradan qaldırılması istiqamətində ciddi tədbirlər görülür, Trend-in məlumatına görə, bunu bazar ertəsi Ədliyyə Nazirliyinin Penitensiar Xidməti, Azərbaycan Hüquqşünasları Konfederasiyasının birgə təşkil etdiyi "Rezonans" filminin təqdimatındakı çıxışında PX-in rəisi Mədət Quliyev deyib.

Onun sözlərinə görə, indiki cəzaçəkmə müəssisələrinin əksəriyyəti sovet dövründən qalıb.

"Amma Azərbaycan Prezidentinin rəhbərliyi ilə bu sahədə islahatlar aprılıb. Son illərdə Bakıda və Naxçıvanda 2 yeni cəzaçəkmə müəssisəsi tikilərək istifadəyə verilib. 7 müəssisə isə tikilir. Şəkidəki müəssisənin tikintisi başa çatıb və yaxınlarda istifadəyə veriləcək" Quliyev deyib.

PX rəisi deyib ki, şəxsi heyətin peşəkarlığının artırılması istiqamətində iş aparılır. Quliyev penitensiar xidmət sahəsində müəyyən problemlərin

olduğunu bildirib və qeyd edib ki, bu qəbildən olan problemlər Avropa ölkələrində də var.
 
Hörmətli İstifadəçi, nəzərinizə çatdırmaq istəyirik ki, saytdakı bütün xəbərlər proqram təminatı tərəfindən avtomatik şəkildə digər resurslardan sistemə daxil edilir, buna görə, xəbərlərin saytda dərc olunmasında və ya mətnlərinin qiymətləndirilməsində heç bir insan faktoru iştirak etmir, əgər bu xəbəri hüquq/qanun pozuntusu, qeyri-etik və ya yanlış kimi qiymətləndirirsinizsə, xahiş edirik, bizi bu barədə məlumatlandırın