14 yaşlı oğlan dəm qazından zəhərləndi - Gəncədə

Gəncədə dəm qazından zəhərlənmə olub. APA-nın qərb bürosunun verdiyi məlumata görə, şəhərin Sadıllı qəsəbəsində yaşayan 2003-cü il təvəllüdlü Bədəlov Abbas Elçin oğlu yaşadığı evin vanna otağında olarkən dəm qazından zəhərlənib. O dərhal xəstəxanaya çatdırılıb. Tibbi yardımdan sonra 14 yaşlı oğlanın səhhəti normallaşıb və o ambulator müalicəyə buraxılıb.