Moldova millisi ilə yoldaşlıq oyunu keçirəcək Azərbaycan yığmasının heyəti açıqlanmışdır

Xəbər verdiyimiz kimi, noyabrın 9-15-də 21 yaşadək futbolçulardan ibarət Azərbaycan yığmasının Moldovada təlim-məşq toplanışı keçiriləcəkdir.

AFFA-dan AzərTAc-a bildirmişlər ki, yığmamızın heyəti açıqlanmışdır. Heyətdə Mirhüseyn Seyidov, Araz Abdullayev, Tərlan Quliyev, Kərim Diniyev, Elvin Yunuszadə, Emil Balayev (hamısı "Neftçi"), Tural İsgəndərov, Qara Qarayev (hər ikisi "Qarabağ"), Cavid Tağıyev, Ruslan Tağızadə (hər ikisi AZAL), Abdulla Abasiyev, Aleksandr Qross (hər ikisi "İnter"), Nurlan Novruzov ("Bakı"), Slavik Alxasov ("Sumqayıt"), Amit Quluzadə ("Rəvan"), Orxan Sadıqlı ("Xəzər-Lənkəran"), Urfan Abbasov ("Qəbələ") və Nicat Qurbanov ("Simurq") yer almışlar.

Qeyd edək ki, millimiz toplanış çərçivəsində noyabrın 14-də Moldovanın müvafiq yaş qrupundan ibarət komandası ilə yoldaşlıq oyunu keçirəcəkdir.

1-AFFA.jpg