"Simurq"un dağılması ilə bağlı futbolçudan- Açıqlama

"Biz "İnter"lə oyuna hazırlaşırıq. Amma əhval-ruhiyyə yaxşı deyil". Bu sözləri "Qafqazinfo"ya açıqlamasında "Simurq" serbiyalı yarımmüdafiəçisi Marko Stanoyeviç deyib.

O, son zamanlarda Zaqatala klubunda baş verənlərdən danışıb: "Klub rəhbərliyindən bizə deyiblər ki, komandanı tərk edə bilərsiz. Çünki pul vermirlər. 4 aydır ki, maaş almırıq. Belə vəziyyətdə kim istəyər ki, burda qalsın, oynasın? Amma ən azından mövsümün sonuna qədər komandada qalmaq istəyirəm. Ondan sonra nə baş verəcəksə, birlikdə görəcəyik. Bütün legionerlər gedəcəyi və pul verilməyəcəyi halda mən da komandanı tərk edəcəm".

Stanoyeviç pulunu almayacağı təqdirdiə FİFA-ya şikayət edə biləcəyini də təkzib etməyib: "Ümid edirəm ki, pulumu verəcəklər. Təbii ki, ala bilməyəcəyim halda müvafiq yollara əl atacam. Sadəcə inanıram ki, "Simurq" buna izn verməyəcək".

"Qafqazinfo"